الجمعة، 25 فبراير، 2011

هتلر يعود


مجرم غير عادي
مجرم حرب من طراز نادر

كيف يطاوع شيطانه لجلب مرتزقة تقتل ابناء بلده
كيف له ان يستخدم هذه الطرق الابادية ضد ابناء دمه
 
تناسي القسم اللي اقسمه امام الله
لحماية بلده وشعبه

لم يتذكر انه سوف يقف بين يدي الله ويحاسب

هو وامثاله من الحكام العاشقين للظلم لا يعرفون الله
حقا لا يخشون الله

لكم الله ياعرب
لكي الله ياليبيا


حماكي الله دوما يامصر

الاثنين، 21 فبراير، 2011

اللهو الخفي


هاهاهاهاهاهاااااااااااااااااااااااي
وضحكت عليكو ياشعب طيب
فكريني بعيد وأنا من الكرسي قريب
أأمر وأنهي وأهنن وأطيب
أمشي بمزاجي محدش يقولي
ميتكسرش نفسي ومن أيدي تلوي
طبعا ياشعبي عارفين مكاني
قولت استجم واريح دماغي
أقتل وأحرق
أنهب وأسرق
وداير برضو جيشي وحكومتي
مش انت ياشعبي اللي تقولي أمشي
انا اللي بمزاجي ووقت ماامشي أمشي


video


الاثنين، 14 فبراير، 2011

عيد حبك يامصر


كل سنة عيد الحب كان بيبقي باللون الاحمر

السنة دي اختلفت الوانه


العالم كله هيحتفل 


بالاحمر والابيض والاسود 


 بلون علمك ياغالية

في حبك يابلادي وبس

هابي فلانتين ياحتة من قلبي


الجمعة، 11 فبراير، 2011

الله اكبر

الله اكبر

الله اكبر

الله اكبر ولله الحمد


video

قادر وتعملها



قبل الخطاب
اجلس في صمت
اتخيل نفسي والدموع في عيني علي انغام شادية وهي تشدو ياحبيبتي يامصر
بعد سماعي يقولها لقد قررت ان اتنحي تماما وكليا
اثناء الخطاب
صمت صمت صمت صمت
بعد الخطاب


احبـــــــــــــــــــــــــــــــــــــــــاط
لكن اضغط 
اضغط تاني
اضغط تالت
اضغط اكثر
مش هتلاقي غير انفجار شعبي لا تتخيله
وهاترحل يعني هاترحل
هي خلاص كبرت بئي في دماغنا


اللهم الهمنا الصبر والعزيمة
وابعد عنا الاحباط

الأربعاء، 9 فبراير، 2011

SO WHAT ياخبرة



هو الريس مكسوف يمشي ولا ايه
ولا عشان هو يعني محدش زيه في العالم وخبرة في الحكم 30 سنة
انا من رأي راجل زي دا بخبرته الكبيرة في الحكم يروح يحكم دولة تانية وشعب تاني
ولو دور في اعلانات الوظايف الخالية اكيد هيلاقي
مطلوب رئيس دولة سابق او مخلوع
شروط التقدم
خبرة 30 سنة علي الاقل في حكم البلاد
ايده خفيفة يجيد السرقة والنهب ويقدر يحوش من مرتبه مليارات
يكون عميل لامريكا ويطاطي وميقولش غير حاضر وطيب
يكون بارد وغبي
لا يهتم بشؤن شعبه ويهتم بشؤنه الخاصة فقط ويكون مهتم بصحته وشعرة طبعا
ان يكون كداب كبير وعنده القدرة علي تثبيت الملايين من الناس
واهم شرط  يكون عنده ابن سفاح مصاص دماء للشعب الغلبان
بس ياتري ممكن في شعب زينا يستحمله ويستحمل ظلمه
يروح يدور وان شاء الله ربنا هيوفقه ماهو اللي بيتعب بيلاقي
وبعدين مادام رحيله in Public
ومفيش فيه feelings
والشعب كله عايزه يرحل يبقي so what

الثلاثاء، 8 فبراير، 2011

ارحـــــــــل

ياظالــــــــــــــــــم




لابــسـه ليه يـا أمــى السواد

البسي تــوب الهــنـا

مــتــقـولـيـش انــى مــيــت

انــا عايــش فى الــســـما

لـيـنـا رب كــبـــيـــر


ياظالـــــــــــــــــــم

هـيـجـى يـوم تـعـرض عـلـيـه

تـقـف امامـه ويــســألـك

الـشـخص ده عــمـلـك ايـــــه ؟

بـاى ذنــب تــــقــتــلـــه

وفـــيــن ومــيــن وازاى ولــيــــــه  ؟

يـــبـــقــى قـــول لـــى يـــا بــطــل

هـــتــرد يومـــهـــا ....... وتــــقــوله ايـــه ؟!

الخميس، 3 فبراير، 2011

ارسملي مصر


بابا
امسك ايديا وارسملي مصر
عايزارسمها زي ماهي
ارسم مصر حرة
مصر امنة
مصر حلوة
ارسمهالي جنة
ومترسمش فيها فوضي
ارسملي فيها صورة ريس يكون امين
يكون بيحبنا ويخاف علينا
يحسسنا بأمان ويضلل علينا
ميكنش ظالم
ميكنش فاسد
ويكون عنيد
يفوت بقلبه بالحديد
ارسملي فيها نصر اكتوبر وثورة يناير
واوعي ترسملي فيها قطر وعبارة وخساير
ومترسمش البطالة
ارسملي فيها هرم شاهد علي عصر الاصالة


ومتنساش ترسملي وردة
هاهديها لروح كل شهيد
ضحي بحياته عشاني
لأجل مستقبل جديد