سلطة

سلطة ايه اللي عاوزينه يسلمها

ويسلمها لمين

وازاي

ابقوا قولولي والنبي علي مكان وميعاد التسليم

لو حد عرف حاجة

مفيش حد فاهم  اي حاجة

وبجد

بجد

بقت اخر

سلطة

رسايل

مش باقي منها غير شوية رسايل

يقرأهم في اشتياق والدمع علي خده سايل

ينام من التعب وهي من جواه

بتجري في دمه اصلها كتير وحشاه

يتمني يحلم بيها

وهي في توب الملايكة

يشوفها

يلمسها

يحضنها

يهمس لها بهمسة

يفرحوا سوا بحبهم

يتمايلوا

يرقصوا

علي صوت دقات قلوبهم

صحي من نومه

وفحضنه رسايله

نايمة جانبه وردة كانت منها هدية

اخدها بين ايديه

باسها

حضنها

قالها 

بحــــــبـك

happy

valentine's

day

صعب

ساعات ربنا بيدينا حاجات

واحنا مش بنحافظ عليها

فكر لوحدك شوية !!

وافتكر ايه الحاجات اللي ضاعت منك

وبتندم عليها لحد دلوقتي

يوووووووووه كتير

واحد صاحبك

حد حبك

فلوس

شغل معين

او فرصة مش ممكن ترجع تاني

طب فكر تاني  بس المرة دي 

في اصعب موقف قابلك

او هيقابلك

انك تفقد حد غالي عليك ( الفقد هنا مش موت وبس )

انك تبعد عنه وخلاص لأي ظرف كان

صعب الموقف دا ؟

انك تدخل امتحان صعب

وانت اصلا مبصتش في كتاب مادة الامتحان دا

صعب الموقف دا ؟

طب لو حد قفل عليك باب اوضه صغيرة ضلمة

وحبس معاك حد بتكرهه

او حيوان بتترعب منه ( كلب , قطة , فار ............. )

صعب الموقف دا ؟

في مواقف كتير اوي صعبة

عدت علينا

وعدينا احنا عليها

وبنعرف من خلالها

اد ايه ربنا بيحبنا

بس تعرف ايه هيا اصعب حاجة

انك تفقد الاحساس بأي حاجة حواليك

تفقد احساسك بحب اصحابك ليك

تفقد احساسك بأي حاجة حلوة كانت بتفرحك

والاصعب انك تفقد احساسك بنفسك وبقيمتك عند ناس بتحبهم

حد فاهم حاجة ؟

عارف الاجابة طبعا ( لا )

ولا انا

ودي برضه من الحاجات الصعبة اوي

تفاؤل

كل فشل هو خطوة للأمام نحو النجاح

يااااااااااارب مصــــــــــــر

التايم: " التليفزيون المصري " أشعل الفتنة الطائفية في أحداث ماسبيرو

تشييع جثامين 17 من ضحايا أحداث ماسبيرو من الكاتدرائية المرقسية  بالعباسية

مظاهرات الأقباط ضرب وقتل الجيش المصري

مسيرة لأهالي الظاهر تهتف " مسلم و مسيحي ايد واحدة " متجهة " للقبطي "

" الأنبا بنيامين " الدولة لم تراع حقوق الأقباط كمواطنين

"الدعوة السلفية ": تواطؤ أطراف داخلية وخارجية لإثارة الفوضي

عشرات الأقباط يهتفون ضد " العسكري " أمام المستشفي القبطي

بالفيديو الألاف يقاطعون "البابا" ويطالبون باسقاط "المشير" في قداس شهداء ماسبيرو

صور وكالة رويترز لأحداث ماسبيرو

أشتباه بوجود قناصة بمبني مجاور لماسبيرو " ركز في ث 20 "

ارجوكم حبوا بعض

البداية 

قرية الماريناب

بعد محاولة عدد من المسلمين في هدم مبني قديم كان المسيحيون قد شرعوا في تحويله إلى كنيسة ما جعل العشرات من المسيحيين يتصدون للمسلمين لمنع الاقتراب من المبنى

والسبب قلة عدد المسيحيين بالقرية والذي لا يتجاوز عددهم 75 نسمة بالمقارنة بعدد المسلمين الذي يتجاوز 18 ألف نسمة، وكذلك لعدم حصول الأقباط على تصريح رسمي ببناء الكنيسة

ولو حتي عددهم واحد او اتنين نسمة

 كل واحد بيحب يقيم شعائر دينه في مكان يحس فيه بالامان ومفيش أأمن من الكنيسة بالنسبة للمسيحي يقوم فيها بعباداته

والنهاية

حرايق

وسقوط قتلي

وتهديدات خايبة

وخطابات هزيلة

بس مش دي النهاية

النهاية اسود من كده بكتير وهتظلل بسوادها علي كل بيت مصري

لو مصحناش وحبينا بعض

وعرفنا عدونا الحقيقي اللي مصلحته اثارة الفتنة

حبوا بعض عشان نعدي بمصر لبر الامان

ارجوكم حبوا بعض

رأيتك

رأيتك اليوم في احلامي

كعادة معظم ايامي

ولكنك كنت مختلفة

احسست منك باللهفة

عيناكي كانت لامعة

مبتسمة

تمشين برقة

صوتك كله عذوبة وحنان

فتحت عيوني علي صورتك

وسألتك

اتتذكريني كما افعل

ام انساكي البعد سنيني

اتمناكي دوما فرحة

ويكفيني انك يوما

احــبـــبــتــيــنــي

ياحلــــــــــــم

ياحلم بعيد مش فاضل غيرك

قرب مني بشويش من غير ماشوفك

تاخد قلبي تغسل همومه

يمكن يرجع يحب الدنيا

او يتمني الموت هناك

بعيد عن اي صوت

مع حد بيحبه

جوه حضنه

في عز السكوت

                                                                                                                                             Alex:  2\9\2011

Be Happy

The greatest happiness in the world

 is to make other happy  

يـــــــــــــــــارب

{إِنْ يَنْصُرْكُمُ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ} [آل عمران: 160]

لماذا قمنا بالثوره ؟؟

الشعب قام بثوره - اسقط النظام ورأس النظام مبارك – ثوره ابهرت العالم – وبالتالى كنا نتوقع نجاحات غير مسبوقه فى اى ثوره حدثت فى العالم – ولكن هناك حقائق واضحه للجميع يجب ان ندركها :

1- مبارك فى شرم الشيخ فى جناح خمس نجوم فى المستشفى بيتعالج او بيدعى المرض الله اعلم ، بيستقبل بوكيهات ورد مكتوب عليها " احنا آسفين ياريس " ومازال ممسكا بالريموت كنترول ويتحكم عن بعد فى امور كثيره.

2- مصابى الثوره ربنا يعلم بحالهم – منهم من يحتاج العلاج ومنهم من يحتاج المساعدات الماديه والمعنويه.


3- هاله سرحان بطله عادت الى مصر وتم استقبالها فى المطار على انها بطله مناضله ومفجرة الثوره ، و الدكتورعلاء الاسوانى صاحب رواية " عمارة يعقوبيان " اصبح مناضل ثورى – وخالد يوسف المخرج العالمى " على حسب قوله " ايضا مفجر من المفجرين فقد اخرج الفيلم الوطنى " دكان شحاته " ، ولا ننسى ظهور " هايفاء وهبى " مما فجر روح الثوره عند الشباب " مستحملوش " ، ساويرس ايضا اصبح متحدث رسمى باسم الثوار فى الفضائيات التى يملك احدها ، وما المانع ان كانت الدنيا لسه فيها اكتر " ومحدش بيحاسبه بالثانيه" و ما اكثر راكبى الموجه اسماء لا حصر لها فقط تابع برامج : التوك شو" وستجد منهم الكثيرين .



4- يعتقد الاخوان ايضا انفسهم من اهم اسباب نجاح الثوره لانهم كانوا بيقولوا الله اكبر فى التحرير ، وبدأو بتوزيع معونات للغلابه والبطاطين "عشان احنا لسه خارجين من الشتا وكان برد اوى". ويعتقدون انهم الاعلبيه فى المجتمع الوطنى والاعجب انهم يتكلمون باسم الاسلام ولايدركون ان الشعب المصرى اغلبيته مسلم ولم يفوضهم بالتحدث نيابة عنه ، وهناك الآن مئات الاحزاب وانتعشت الحياه الحزبيه ولكنها جميعا لاتملك الاغلبيه ، فالاغلبيه العظمى اطلق عليهم البعض " حزب الكنبه " ، وهناك بعض الشباب لا اعلم من ثوار التحرير او لا قاموا بعمل ائتلاف شباب الثوره " الله اعلم مين اللى ائتلفهم " وبيتكلموا باسم الملايين.



5 - امن الدوله بعد ان رفضه الجميع لملم اوراقه وشهادات ميلاده و الفيش والتشبيه وذهب الى السجل المدنى وغير اسمه ليصبح امن قومى وعايش زى الفل .



6- الفتنه زادت حدتها بعد الثوره ، ويعتقد البعض ان " فلول " او " ثوره مضاده " هى من اشعلت الفتنه ، وبالطبع تم التعامل مع الامر باستدعاء الشيخ فلان والقس فلان وتبادل الاثنان الاحضان والقبلات واحتلا الصفحه الاولى من الجرايد بجوارهما الهلال والصليب ، وهكذا تم القضاء على الفتنه.



7- اعلنوا عن مليارات الدولارات فى حوذة من سرقوا مصر من النظام السابق ، مليارات تكفى وتفيض لسد ديون مصر ، ولكن الحقيقه المره ، ان مفيش مليم رجع ، واقترضنا لعمل الموازنه الجديده.



8- يظهر البعض من الموالين للنظام السابق ويتهم الثوار بخراب مصر " على اساس ان مصر قبل الثوره كانت جنه ".



9- تغير مفهوم السوبر ستار لدى المشاهدين ، لم يعد الممثلون والمطربون هم نجوم الشباك فقد احتل مكانهم بجداره " منى الشاذلى ، عمرو اديب ، ابراهيم عيسى ، محمود سعد ، عمرو الليثى ، احمد المسلمانى ، وانضمت اليهم بقوه العائده من الخارج " هاله سرحان" .



10- الشعب والجيش ايد واحده ، المسلمون والمسيحيون ايد واحده – الشرطه والشعب ايد واحده – البلطجيه والفلول ايد واحده ، ولكن للاسف لما نسمع ان مصر والمصريين ايد واحده .



11- يمكنك بسهوله ان تصبح بطل ، ماعليك الا ان تسجل فيديو تمجد فى الثوره و الثواره وتشتم الفساد والنظام السابق ، واذا اردت ان " تفضح " عدو لك فقط ادعى انه ضد الثوار وثوره مضاده ويسب ميدان التحرير ، فقط ثوانى معدوده وسيقوم المناضلون على الفيس بوم بتدشين صفاحت وجروبات تشتمه وتفضحه تحت عنوان كارهى " فلان " .

12 – كل جمعه ننادى بمليونيه تحت اسم معين وبالفعل يذهب مئات الآلاف ، ولكن عندما اعلنا عن مليونية " جمعة العمل " لم يتجاوز العدد الالف .



13 - اختفت الشرطه عن الميدان اثناء الثوره وجارى البحث عنها حتى الآن .



14- تفتت القوه الضاربه للثوره التى كانت تنادى ب حريه و عداله اجتماعيه الى مطالب فئويه ( انانيه ) .

15- تم تغيير محطة مترو " حسنى مبارك " الى محطة " الشهدا ، ونسى الجميع انها محطة " رمسيس " كما يطلق عليها الجميع.



16 – انتشرت صفحات على الفيس بوك " احنا آسفين ياريس " و " حقك علينا يا بابا " ، ويدافع روادها عن مبارك باستماته تثير الشك متحججين بذلك انه صاحب الضربه الجويه التى اسقطت اسرائيل ولا يذكرون ابدا انه فتح صفحه جديده مع اسرائيل وصالحهم بان صدر لهم الغاز برخص التراب ، والرد الامثل عليهم وعلى ضربته الجويه " ياريته كان ضربنا احنا الضربه الجويه وكان حكم اسرائيل 30 سنه " .



17- تم تكريم شهداء الثوره التكريم الامثل باستغلال صورهم وطبعها على ورق كارتون لتباع فى اشارات المرور وعلى ارصفة ميدان التحرير " الشهدا بجنيه قرب يا بيه ".



18 – اصبح ميدان التحرير مزارا سياحيا تقصده العائلات والحبيبه ايضا، يمتلىء ببائعى الحمص ، اعلام مصر ( الصغير باتنين والكبير بخمسه ) ، ساندوتشات الكبده و السجق ، والشاى والمشروبات الغازيه.



19 - قام اوباما بترشيح فتى جوجل رئيسا لمصر اعتقادا منه ان ذلك سيقرب امريكا من الشباب المصريين ، ولا يعلم ان صفحة كارهى وائل غنيم على الفييس بوم تجاوزت المليون .


20 - ظهور آفات اجتماعيه تطلق على نفسها " توفيق عكاشه " ترشح نفسها للرئاسه.


21 – اصبح رجل الشارع مثقفا ويعلم معانى كلمات لم يحلم يوما ان يعرفها ( فلول – تكنوقراط – ايدلوجيله – اجنده ... وغيرها ).


نعم قمنا بثوره ، نعم ابهرنا العالم ، نعم حققنا ما لم نحلم به من قبل باسقاط الطاغيه وحاشيته ، نعم هناك انفلات امنى ، ولكننا قمنا بحماية مصر والمصريين من خلال اللجان الشعبيه ، نعم هناك ركود اقتصادى الآن ، ولكن انتعاش الاقتصاد من قبل كان يدخل خزائن النظام الفاسد ، ولكن الآن حين نبنى سنجنى وحين نزرع سنحصد نحن " المصريين " ، ولا ننكر اننا نحتاج لمزيد من الوعى للحكم على الامور خاصة السياسيه حتى لا نكون طعم سهل لراكبى الموجه ومدعى البطوله من هنا و هناك ، نعم الجيش حمى الثوره ، ولكن هناك فرق بين الجيش والمجلس العسكرى ، الجيش خط احمر لا يمكننا تجاوزه ولكن المجلس العسكرى يمكننا محاسبته ان اخطأ ، واخيرا فلنترك الدكتور دكتور ، والمهندس مهندس ، والمدرس مدرس ، والسباك سباك ، وليتقن كل منا عمله ، ونترك الفتاوى لاهل الفتوى ولنسقط بداخلنا شخصية ابو العريف فهى المحرك الرئيسى للثوره المضاده ، وبذلك سنتمكن من الرد على السؤال المحير " لماذا قمنا بالثوره " ، وليحمى الله مصر والمصريين من المستغلين والمتربصين .

---------------------------------------------------------------------------

بقلم : محمد حسن

مؤلف كتاب : الف نيله و نيله

وبشر الصابرين

بسم الله الرحمن الرحيم 

(( لَتُبْلَوُنَّ فِي أَمْوَالِكُمْ وَأَنْفُسِكُمْ وَلَتَسْمَعُنَّ مِنَ الَّذِينَ أُوتُوا الْكِتَابَ مِنْ قَبْلِكُمْ

وَمِنَ الَّذِينَ أَشْرَكُوا أَذًى كَثِيرًا وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الأُمُورِ ))

                                                   

                                                                      صدق الله العظيم

عن أبي هريرة رضي الله عنه أن رسول الله (صلى الله عليه وسلم) قال ( يقول الله تعالى : ما لعبدي المؤمن عندي جزاءٌ إذا قبضت صفيه من أهل الدنيا ثم احتسبه إلا الجنة ) رواه البخاري.

اقتضت حكمة الله أن تكون حياة البشر على ظهر هذه الأرض

مزيجًا من السعادة والشقاء 

والفرح والترح واللذائذ والآلام

 فيستحيل أن ترى فيها لذة غير مشوبة بألم

 أو صحة لا يكدرها سقم  أو سرور لا ينغصه حزن 

أو راحة لا يخالطها تعب أو اجتماع لا يعقبه فراق 

 كل هذا ينافي طبيعة الحياة الدنيا 

ويقين الإنسان بحسن الجزاء وعظم الأجر عند الله 

 يخفف مرارة المصيبة على النفس

ويهون وقعها على القلب

وكلما قوي اليقين ضعف الإحساس بألم المصيبة 

وقد جاء عن عمر رضي الله عنه قوله

 ما أصبت ببلاء إلا كان لله عليَّ فيه أربع نعم

أنه لم يكن في ديني

 وأنه لم يكن أكبر منه

 وأني لم أحرم الرضا به

وأني أرجو الثواب عليه

 فجعل انتظار الثواب على البلاء من أسباب تخفيفه

 ونقله من دائرة المصائب التي توجب الصبر

 إلى دائرة النعم التي تستحق الشكر

وكان نبينا  ( صلى الله عليه وسلم )

يسأل الله اليقين الذي تهون معه المصائب

فكلما كان يقوم من مجلس إلا ويدعو بهؤلاء الدعوات

( اللهم اقسم لنا من خشيتك ما تحول به بيننا وبين معاصيك ،ومن طاعتك ما تبلغنا به جنتك ،ومن اليقين ما تهون به علينا مصائب الدنيا ) رواه الترمذي .

أسماء المساجد لصلاة الفجر المليونية

مكبـــــــــــــــــــوت

مبسوط علي حزين

حزين علي مبسوط

خلصت حكاوي الحنين

قلبي بيضحك من غير صوت

عايش معايا لحظة سكوت

مكبــــــــــــــــــــــــــــوت

 

(خلعوك فقالوا)أقوي أفلام الموسم

 هو مين مع مين

او

مين مع مين ضد مين

حاسس اني وقعت في حلة بتنجان

هوصحيح لسه الجيش والشعب ايد واحدة

ولسه الحزب الوطني وطني

والداخلية خيال مأتة

 والدوري هيرجع رغم ظروفنا المهببة

سؤال 

هو ليه الناس اللي معندهاش دم كترت اليومين دول

هتلر يعود

مجرم غير عادي
مجرم حرب من طراز نادر

كيف يطاوع شيطانه لجلب مرتزقة تقتل ابناء بلده
كيف له ان يستخدم هذه الطرق الابادية ضد ابناء دمه
 

تناسي القسم اللي اقسمه امام الله
لحماية بلده وشعبه

لم يتذكر انه سوف يقف بين يدي الله ويحاسب

هو وامثاله من الحكام العاشقين للظلم لا يعرفون الله
حقا لا يخشون الله

لكم الله ياعرب
لكي الله ياليبيا

حماكي الله دوما يامصر

اللهو الخفي

هاهاهاهاهاهاااااااااااااااااااااااي

وضحكت عليكو ياشعب طيب

فكريني بعيد وأنا من الكرسي قريب

أأمر وأنهي وأهنن وأطيب

أمشي بمزاجي محدش يقولي

ميتكسرش نفسي ومن أيدي تلوي

طبعا ياشعبي عارفين مكاني

قولت استجم واريح دماغي

أقتل وأحرق

أنهب وأسرق

وداير برضو جيشي وحكومتي

مش انت ياشعبي اللي تقولي أمشي

انا اللي بمزاجي ووقت ماامشي أمشي

عيد حبك يامصر

كل سنة عيد الحب كان بيبقي باللون الاحمر

السنة دي اختلفت الوانه

العالم كله هيحتفل 


بالاحمر والابيض والاسود 

 بلون علمك ياغالية

في حبك يابلادي وبس

هابي فلانتين ياحتة من قلبي

الله اكبر

الله اكبر

الله اكبر

الله اكبر ولله الحمد

قادر وتعملها

قبل الخطاب

اجلس في صمت

اتخيل نفسي والدموع في عيني علي انغام شادية وهي تشدو ياحبيبتي يامصر

بعد سماعي يقولها لقد قررت ان اتنحي تماما وكليا

اثناء الخطاب

صمت صمت صمت صمت

بعد الخطاب

احبـــــــــــــــــــــــــــــــــــــــــاط

لكن اضغط 

اضغط تاني

اضغط تالت

اضغط اكثر

مش هتلاقي غير انفجار شعبي لا تتخيله

وهاترحل يعني هاترحل

هي خلاص كبرت بئي في دماغنا

اللهم الهمنا الصبر والعزيمة

وابعد عنا الاحباط

SO WHAT ياخبرة

هو الريس مكسوف يمشي ولا ايه
ولا عشان هو يعني محدش زيه في العالم وخبرة في الحكم 30 سنة
انا من رأي راجل زي دا بخبرته الكبيرة في الحكم يروح يحكم دولة تانية وشعب تاني
ولو دور في اعلانات الوظايف الخالية اكيد هيلاقي
مطلوب رئيس دولة سابق او مخلوع
شروط التقدم
خبرة 30 سنة علي الاقل في حكم البلاد
ايده خفيفة يجيد السرقة والنهب ويقدر يحوش من مرتبه مليارات
يكون عميل لامريكا ويطاطي وميقولش غير حاضر وطيب
يكون بارد وغبي
لا يهتم بشؤن شعبه ويهتم بشؤنه الخاصة فقط ويكون مهتم بصحته وشعرة طبعا
ان يكون كداب كبير وعنده القدرة علي تثبيت الملايين من الناس
واهم شرط  يكون عنده ابن سفاح مصاص دماء للشعب الغلبان
بس ياتري ممكن في شعب زينا يستحمله ويستحمل ظلمه
يروح يدور وان شاء الله ربنا هيوفقه ماهو اللي بيتعب بيلاقي
وبعدين مادام رحيله in Public
ومفيش فيه feelings
والشعب كله عايزه يرحل يبقي so what

ارحـــــــــل

ياظالــــــــــــــــــم

لابــسـه ليه يـا أمــى السواد

البسي تــوب الهــنـا

مــتــقـولـيـش انــى مــيــت

انــا عايــش فى الــســـما

لـيـنـا رب كــبـــيـــر


ياظالـــــــــــــــــــم

هـيـجـى يـوم تـعـرض عـلـيـه

تـقـف امامـه ويــســألـك

الـشـخص ده عــمـلـك ايـــــه ؟

بـاى ذنــب تــــقــتــلـــه

وفـــيــن ومــيــن وازاى ولــيــــــه  ؟

يـــبـــقــى قـــول لـــى يـــا بــطــل

هـــتــرد يومـــهـــا ....... وتــــقــوله ايـــه ؟!

ارسملي مصر

بابا

امسك ايديا وارسملي مصر

عايزارسمها زي ماهي

ارسم مصر حرة

مصر امنة

مصر حلوة

ارسمهالي جنة

ومترسمش فيها فوضي

ارسملي فيها صورة ريس يكون امين

يكون بيحبنا ويخاف علينا

يحسسنا بأمان ويضلل علينا

ميكنش ظالم

ميكنش فاسد

ويكون عنيد

يفوت بقلبه بالحديد

ارسملي فيها نصر اكتوبر وثورة يناير

واوعي ترسملي فيها قطر وعبارة وخساير

ومترسمش البطالة

ارسملي فيها هرم شاهد علي عصر الاصالة

ومتنساش ترسملي وردة

هاهديها لروح كل شهيد

ضحي بحياته عشاني

لأجل مستقبل جديد

ياااااااااااااااارب

إذا الشعب يوما أراد الحياة

فلا بد أن يستجيب القدر 

ولا بد لليل أن ينجلي

ولابد للقيد أن ينكسر

بكائك

بكائك جرحني

في قلبي دبحني

خلاني انسي كل همومي

وانشغل في دمع صوتك

انت ليه بتداري حزنك ؟

هوانت ايه !! 

عايش لوحدك ؟؟

نسيت خلاص اني جمبك

قول وصارح افتحلي قلبك

تايـــــــــــــه

تايه 

حيران

مش لاقي غير بابك

افتح لقلبي الحزين يرتاح علي اعتابك

بالورقة والقلم

بالورقة والقلم

خدتينى 100 ألم
انا شفت فيكى مرمطة وعرفت مين اللى اتظلم

ليه اللى جايلك اجنبى
عارفة عليه تطبطبى
وتركبى الوش الخشب وعلى اللى منك تقلبى

عارفة سواد العسل
اهو ده اللى حالك ليه وصل
ازاى قوليلى مكملة وكل ده فيكى حصل

يا بلد معاندة نفسها
يا كل حاجة وعكسها
ازاى وانا صبرى انتهى لسة بشوف فيكى امل

طرداك وهى بتحضنك
وهو ده اللى يجننك
بلد ماتعرف لو ساكنها ولا هى بتسكنك

بتسرقك وتسلفك
ظلماك وبرضه بتنصفك
ازاى فى حضنك ملمومين وانتى على حالك كده

  معني في نكتة

قرر إبليس أن يهجر البلاد العربية

فغضب العرب للخبر وذهبوا يترجونه

وقالو له : نرجوك لا تمشي

فين تلاقي ناس زينا كذابين

ومنافقين وعايزين يروحوا النار ؟

فقال لهم ابعدوا عني

إنتوا ماتستاهلوش !

الواحد منكم

يجيني فقير وحافي ومش لاقي ياكل

أعلمه وأخليه يسرق

علشان يعيش عيشة زي الفل

ويغش علشان يتخرج بامتياز

ويزور بالإنتخابات ويرشي

علشان يكون عضو مجلس  شعب أو وزير 

وأول مايقعد عالكرسي ألاقيه معلق

هذا من فضل ربي

أول أنميشين سياسي وشكله كده هيكون الأخير

تسلم ايديك

يا أشرف يا حمدى

انت مين ؟

انت مين ؟

انت انا ؟

ولا انت مين ؟

انا الفراق موت جوايا كل شيء

موت الحلم البريء

خلاني تايه وسط بحر من غير شط اوطريق

وبقيت زي الغريق

انت مين ؟

انت نفسك اللي عارفك

انطق وقول حرك شفايفك

قولي لأنكر اني عارفك

انت مين؟

انت انا ؟

والا انت مين؟

عايش معايا وجوه نفسي ونفسي ليك

قلب واحد ليا وليك

انت انا وانا اقرب ماليك

طريقنا واحد ايدي في ايدك

دمعه عنيه شايفها فرحه ماليه عنيك

انت مين؟

انت تايه ولا ضايع

احنا مختلفين الطبايع

انت مين؟

انت اللي قلبك كان احن من الحنين

انت اللي كنت بتبكي لما تشوف في يوم انسان حزين

انت اللي حزنك جوه منك انسان سجين

انت مين؟

انت انا؟

ولا انا انت ؟

ولا انت مين؟؟

شكلي شكلك وصوتي صوتك

انطق وقول بلاش سكوتك

انت مين؟

لا انت انا

ولا عايز اشوفك

خبي وشك من كسوفك

لا عايز اعرفك ولا اعرف ظروفك

احنا مش شخصيه واحده

احنا اكيد شخصيتين

 قبل ماتنزل ستارك

قبل ماتمشي وتفارق

عايز اسئل وتجاوبني

انت مين؟